ប្រាសាទអង្គរវត្តជាប្រាសាទដែរមានមានភាពល្បីល្បាញពាសពេញពិភពលោកដែលសព្វថ្ងៃស្ថិតនៅក្នុងខេត្តសៀមរាបក្នុងភាគខាងជើងនៃក្រុងសៀមរាប។ ប្រាសាទអង្គរវត្តត្រូវបានសាងសង់ឡើងដោយស្នាប្រហស្តរបស់ព្រះបាទសូរ្យវរ្ម័នទី២ សាងសង់នៅដើមសតវត្សទី១២ ក្នុងឆ្នាំ១១១៣-១១៥០។ ការកសាងប្រាសាទនេះឡើងដើម្បីឧទ្ទិសថ្វាយដ់ព្រះនារាយណ៍ដែរជាអាទិទេពនៃទិសបច្ចឹម ព្រោះព្រះបាទសូរ្យវរ្ម័នទី២ ជាក្សត្រដែរគោរពព្រះនារាយណ៍(ព្រះវិស្ណុ)ហើយប្រាសាទនេះមានឈ្មោះដើមថា ប្រាសាទបរមវិស្ណុលោក។ តាមសិលាចារឹកនៅសតវត្សទី១៦ បញ្ជាក់ថាឈ្មោះប្រាសាទអង្គរវត្តគឺ ព្រះមហានគរឥន្រ្ទប្រ័ស្ថព្រះពិស្ណុលោក រឺឯនៅសតវត្សទី១៧ ត្រូវបានគេហៅថា ឥន្ទបត្តម្ហានគរស្រីសុធរវពិស្ណុលោក ចំណែកឯឈ្មោះ អង្គរវត្ត ជាឈ្មោះសាមញ្ញសម្រាប់កំណត់បូជនីយដ្ធាននេះ។ ប្រាសាទអង្គរវត្តដែរស្ថិតក្នុងតំបន់អង្គរសព្វថ្ងៃត្រូវបានចុះក្នុងបញ្ជីបេតិកភណ្ឌពិភពលោកនៅថ្ងៃ ១៤ ធ្នូ ១៩៩២ ។
No comments:
Post a Comment